Suab Hmong Broadcasting, The communication sources for Hmong worldwide

Hmoob Milwaukee Lub Tsiab Peb Caug 2009

Created on Sunday, 14 December 2008 17:19

Muaj coob tshaj li ntawm 7000 tawm leej tib neeg tau mus koom Hmoob Milwaukee lub tsiab peb caug nyob rau lub 12 hli ntuj hnub tim 13 thiab 14 xyoo 2008.  Pom tau tias xyoo no, cov tub ntxhais khiav hauj lwm rau Hmoob Milwaukee lub tsiab peb caug tswj tau lub tsiab peb caug tau zoo huj sim. 

Ob yam loj thiab tseem ceeb nyob rau Hmoob Milwaukee lub tsiab peb caug rau xyoo 2008 no yog kev sib twm seev cev thiab sib twm ntxhais zoo Nkauj.  Muaj tag hro 11 pab ntxhais seev cev tau mus sib twm thiab muaj 8 leej ntxhais tau mus sib tw ntxhais zoo Nkauj.  Pab ntxhais seev cev seev tau zoo thiab yeej thib ib yog pab txhais muaj lub npe hu tias Ntxhais Hmoob USA, pab tau thib ob yog Ntxhais Nkauj Hmoob Samnuer, thiab pab thib peb yog Nthais Nkauj Hmoob Hnub Qub.  Tus ntxhais Nkauj ntsuab xyoo 2009-10 yog Maiv Duas Xyooj.

Maivlis Vaj, Suab Hmoob Xovtooj Cua tus ntxhais hais lus, tau mus pab ua ib tug cev lus coj nyob rau kis sib tw ntxhais zoo Nkauj rau ob hnub ntawd tib yam.

Suab Hmoob Xov Toj Cua xov xwm yees duab mus kev yuav tawm tsi ntev tom ntej no rau cov phooj ywg sawv daws tau pom txog kev lom zem ntawm Hmoob Milwaukee lub tsiab peb caug 2008-09.