Created on Monday, 22 June 2009 03:47
Tus neeg kuv hlub thiab tshua
ua neej nyob tiam no txawm hlub los tsis tau sib yua
ces cias koj hlub kuv tam ib leej muam
thiaj tsis muaj tus los tshuam
es cia kuv mam hlub koj tam ib leej nus
wb txoj kev sib hlub sib pab thiaj tsis ncaim mus
kuv mam hlub koj li tus muam tiag
koj muaj mob muaj nkeeg kho siab los koj qhia kiag
kuv yuav pab koj kom tau li lub siab xav
vim koj yog kuv ib leej nus lub siab dav
kuv yuav tsis muaj chim rau koj li
kuv yuav to ntsoov koj tej lus ntxhi
qhia pub rau kuv
lub caij kuv ntxhov siab kuv yuav vam txog koj
kom koj tuaj thuv
ua lub tshuaj los pab cawm kuv txoj sia kom loj
es kom kuv thiaj ua tau lub neej kom nto toj
kuv mam ua koj rab koob paj ntaub kom koj tau ntxiv
thaum koj tej ris tsho ntuag koj thiaj tau kev siv
coj los ntxiv koj tej ris tsho
thaum lub caij koj tau so
kuv mam ua txoj phuam tshiab
kom tau so koj lub kua muag iab
tej no los vim koj yog kuv ib leej nus lawm thiab
yuav nco koj txiaj ntsim mus ib txhiab