Created on Monday, 29 June 2009 03:50
Xav kom koj yog
Xav kom koj yog tus hlub kuv ib leeg xwb
Xav kom koj yog tus puag kuv nyob rau txhua hnub
Xav kom koj yog tus nco kuv txhua lub sij hawm
Xav kom koj yog tus tsis txhob cia kuv mus lawm
Xav kom koj khuab kuv cia
Xav kom kuv tau nrog koj sib ntsia
Xav kom koj yog tus hais lus paj huam rau kuv
Xav kom kuv ib leeg yog tus koj niaj zaus thuv
Xav kom wb yog niam nkauj iab thiab txiv nraug oo
Xav kom wb tau sib hlub thawm niaj mus ntau xyoo
Xav kom kuv yog koj ib leeg li
Xav kom kuv tib leeg yog tus koj ib txwm ntxhi
Xav kom wb muaj kev hlub tiag
Xav kom wb txawj sib npliag
Xav kom wb txoj kev hlub loj hlob mus
Xav kom txoj kev hlub no tsis txhob tus
Xav koj koj paub hais tias
Kuv yuav tseg tsis taus wb nyias yuav mus nyias
Kuv tej lus xav hais rau koj ib leeg
Vim koj thiaj yog tus kuv ntseeg
Yog tias kuv hais tsis zoo
koj yuav tau qhia kuv nroo
yog kuv tuaj txog koj tsev
koj muab kuv hloov kev
ntshe kuv yuav tsis ntsib koj ib zaug
ntshe kuv lub me sia ntsws yuav paug
ntshe yuav tu siab mu sib sim
rau kuv txoj kev chim
vim koj tsis xav hlub
koj thiaj tsis kam qhub
kuv ntshaws koj tej lus ntxhi
xav qia dub tsis xav cia koj mus nrog lwm tus li
koj tham nrog luag
kuv twb mob siab yuav tuag
xyov koj puas paub
txog kuv tej kev saub
lub siab nyob tsis tus
los twb yog ntshai tsam koj ncaim mus