Suab Hmong Broadcasting, The communication sources for Hmong worldwide

Sib yuav vim sib tseg tsis taus

Created on Thursday, 01 October 2009 08:30

sib yuav vim tsis xav sib tseg
tsis xav veg vim xav nyob sib ze
nyob ua ke tsis xav sib ncaim li
xav ntxhi txhua lub caij
xav taij kom tau sib hnia
xa cia nws nyob hauv lub plawv
tsis xav kom pawv ntawm lub ntsiab muag
xav ua tus neeg nquag rau nws txhua zaus
xav muab nws faus rau hauv yus lub hlwb tshua
tsis xav pub leej twg dua ntawm yus lub xub ntiag
 yus thiaj npliag ua tshais ua hmo
thiaj nco thiab hlub
txhua hnub thiaj li thov lo lus
thaum ntshai ncaim mus thiaj khuv xim
thiaj tsis pub dim thiaj hais lo lus tuav
tias kuv thov hlub thov yuav qhia rau ntiaj teb
txhua tus neeg nyob deb tias wb kev hlub loj
wb thiaj taug tus choj ntawm txoj kev ua neej
sib pus kom tsheej mus lawm yav pem suab
sib yoog lub cuab kom nto moo lug
thiab cug txoj khoob hmoov
qhov poov leej niam leej txiv
 muab ntxiv rau wb kom sib hlub
txawj sib qhub mus ib txhiab ib txhis
nyob kom mus nto ntsis