Created on Wednesday, 14 November 2007 11:48
Vim muaj xwm txheej txog kev sib tua tib neeg tuag rau yav tas rau ntawm kev tua tsiaj hav zoov, tub nceev xwm saib xyuas txog sab kev ncaj nceev tua tsiaj nyob hauv xeev Wisconsin xyoo 2007 no tau tsim muaj kev ntsuam xyuas ntau dua xyoo tas los no. Ib qhov txawd yog muaj cov paib sau qhia txog suam twg tua tsiaj tau thiab suam twg tua tsiaj tsis tau sau ua ntawv Hmoob thiab ntawv As-kid. Txuas ntawd, tub nceev xwm kuj muaj kev pab rau Hmoob cov nyiam tua tsiaj hav zood kom muaj feem mus koom nrog rau pawg neeg tua tsiaj hav zoov hu tias Wisconsin Wildlife Federation kom pawg neeg tawv dawb thiab pawg neeg Hmoob los sib paub thiab sib hwm txog kev tua tsiaj. Qhov nod yuav pab tau rau Hmoob thiab Dawb sib cog kev sib tau taub thiab ib leeg hwm ib leeg ntau tshaj yav tas los rau yav pem suab. George Meyer, tus tswj txog ntawm Wisconsin Wildlife Federation, hais tias, tam sim no tsis muaj ib tug neeg Hmoob los koom nrog rau lawd.
Kev tua tsiaj hav zoov loj rau xyoo 2007 no yog yuav pib rau lub 11 hli ntuj hnub tim 17. Yuav muaj ib cheeb tsam li ntawm 650,000 tawm tus tib neeg yuav mus tua tsiaj hav zoov rau ntawm 90 hnub qhib tua tsiaj thiab yuav muaj tsiaj nto li ntawm 1.8 lab tus tsiaj rau lawd tua nyob rau xyoo 2007 no.
Yog nej leej twg muaj lus dab tsi yuav nug txog kev mus tua tsiaj hav zoov rau xyoo 2007 no, hu xov tooj mus rau ntawm Wisconsin DNR tau rau ntawm(1-888-936-7463 sij hawm qhib pib thaum 7 teev sawd ntxod txog rau 10 teev tsaus ntuj. Lawd yuav muaj cov neeg hais lus Hmob rau nej yog tias nej tsis txawj hais lus asmeslibkas. Xeev Wisconsin lub website tswj txog kev tua tsiaj hav zoov: http://www.dnr.state.wi.us/