Suab Hmong Broadcasting, The communication sources for Hmong worldwide
837 tus Hmoob tau rov qab mus txog rau teb chaws los tsuas
Created on Wednesday, 25 June 2008 05:23
Pab Hmoob muaj 837 leej tau rov mus txog rau tuam ceeb nroog Vees Cas hauv teb chaws los tsuas rau lub 6 hli ntuj hnub tim 22 xyoo 2008 dhau los no lawm. Cov Hmoob no yog cov uas tau khiav tawm hauv teb chaws los tsuas mus nyob rau teb chaws thaib ntawm yeej thoj nam nyob pam dej dawb tau ntau lub xyoo dhau los.
Kos yog ib tug ntawm cov neeg Hmoob tau rov qab mus rau teb chaws los tsuas zaum no. Nws tau khiav tawm hauv teb chaws los tsuas mus nyob rau yeej thoj nam ntawm pas dej dawb tau ob lub xyoo. Nws pom thaum yeej thoj nam raug hlaw kub nyhiab rau lub hli tam los no.
Nws hais tias “Kuv tsis paub tias leej twg thiab cov neeg twg hlawd cov tsev ntawm yeej thoj nam”.
Nws hais ntxiv tias “Vim peb tej tsev thiab chaws nyob raug hlawd kub nyhiab tas, peb tsis muaj chaws nyob tid tshav tid nag qhov nod ua rau kuv xav tig rov qab los nyob hauv teb chaws los tsuas”.
Kos thiab lwm tus Hmoob xav tias qhov chaws thoj nam ntawm zos pas dej dawb yog ib qhov chaws mus nyob tos es yuav tau sawv kev mus nyob rau teb chaws asmeslibkas. Kos tsis paub tias kev khiav mus zaum dhau los no yog ib txoj kev khiav tsis raws kev cai. Nws hais ntxiv tias muaj coob tus Hmoob xav rov qab los rau teb chaws los tsuas tab sis tshai tias tsam tsood hwv los tsuas ho muab lawd kaw thiab rau txim.
Tom qab thaum pawg neeg no los txog rau roog tuam ceeb Vees Cas lawm, lawd raug xa mus nyob rau ntawm lub xeev Baus-lib-khas-xai uas yog ib qhov chaws nyob tos kev rhiav chaws rau lawd.
Thaum yos tau chaws rau pawg neeg no nyob lawm, tsoom hwv los tsuas npaj yuav muaj kev qhia tid thaiv txog raug lwm tus tib neeg ntxias dag xws li khiav tawm teb chaws li no kom sawv daws kag siab thiab tau taub zoo. Txuas ntawd tsoom hwv los tsuas yuav npaj rhiav kev pab rau pawg neeg no kom lawd rov pib tau lawd lub neej mus rau yav tom ntej.
Cov pawg Hmoob rov qab mus rau teb chaws los tsuas zaum no yog los ntawd kev pom zoo thiab sib cog lus ntawm teb chaws thaib thiab teb chaws los tsuas uas tau muaj sib tham ntau lub hli dhau los.
Nyem ntawm no mus saib tau duab ntawm 837 leej Hmoob
Click here to see photo of the returnee 837 Hmong to Laos
VIDEO HMONG ARRIVED IN LAOS