Created on Thursday, 28 August 2008 19:00
Hmoob noj 30 nyob miskas zoo li xyoo no sawv daws paub txom lub npe zog lawm... tsis ntev tuaj tej zaum Hmoob yuav tig los noj tib lub tsiab 30 lawm xwb los kuj muaj...
Xyoo 2007-08, kuv tau mus txog teb chaws blog, pom tau tias cov nyob teb chaws blog los lawd kuj noj 30 tib yam li tim miskas no thiab. Koj noj koj lub zos kuv noj kuv lub zos tab sis thaum kawg muab coj los xaus ua ib qho. Yog Hmoob miskas txawj ua tau li no kuv xav tias yuav muaj kev lom zem...
Qhov kuv tu siab yog peb cia li tsis tshua nco txog peb li culture lawm... tiag mas yuav coj hmoob tej txuj ci tuaj qhia rau tej yau thiab Hmoob sawv daws paub rau lub caij tsiab 30 tab sis ntxim li sawv daws cia li muab lwm yam coj tuaj ua yam tsis tshua muaj nuj nqis dab tsi lawm. Qhov kuv xav pom yog Hmoob ua tau, txog lub caij tsiab 30, pratice ib cov play coj tuaj show rau cov yau thiab sawv daws pom txog Hmoob tiag tug yav thaum Hmoob ib txwm ua... qhov nod tshe yuav pab tau rau Hmoob nco txog tias Hmoob yog dab tsi.
Vim kuv tau ncaim mus rau lwm teb chaws tau ntau lub xyoo... tsis tau pom Hmoob tej tsiab 30 lawm cia xyoo no seb ho zoo li cas... vim kuv rov los rau miskas lawm.