| Kev sib koom ploj zuj zus |
|
|
|
| Written by Richard Wanglue | ||||||||
| Sunday, 14 October 2007 12:35 | ||||||||
|
Muab tig saib yav tas los. Yuav luag txhua txhua haiv neeg uas thoj nam tuaj nyob rau hauv teb chaws asmeslibkas yeej coj yuav luag zoo li peb haiv neeg hmoob: muaj kev sib koom, muaj kev sib pab, thiab muaj tus coj ntawm yuav luag txhua txhua pab. Tab sis ziag no lwm pab lwm pawg nyob tam ntua li ib tug laj mej pej xeem khwv noj khwv hauv lawm xwb. Hmoob lub neej 30 tawm xyoo dhau los yeej muaj kev
sib koom tes, muaj kev sib hlub, thiab muaj kev sib pab zoo tshaj niaj hnub no. Yog vim li cas tiag? yog tim Hmoob tus cwj pwm? yog tim hmoob tsis txawj sib hlub? yog tim hmoob hais lus tsis sib haum thiab tsis txawj sib coj? Yog muab xav xav mus los yeej yog yuav luag txhua yam. Kev xav ntawm kuv tus kheej yog li no: Nyob rau sab politic (kasmoos), asmeslibkas yeej tsis pub ib haiv neeg twg kom muaj hwj chim thiab kev sib koom zoo. Yog pab twg thiab leej twg muaj hwj chim coj tau ib pawg neeg twg ua pab ua pawg thaum kawg tsoom hwv asmeslibkas yeej yuav tsum rhiav kev los hruav kom tau tus ntawd kom ploj mus. Yog muab tig saib yav tas los: Sadam Hussien, yog ib tug phooj ywg zoo kawg nkaus ntawm tsoom hwv asmeslibkas. Thaum kawg tsoom hwv asmeslibkas muab nws txhom tua pod tseg. Lwm tus thawj coj nyob rau lwm lub teb chaws uas tau pab thiab zoo phooj ywg rau tsoom hwv asmeslibkas, thaum kawg tsoom hwv asmeslibkas yeej rhiav kev kub ntxhov thiab txhom lawd coj mus tua los yog rau txim kom lawd cov hwj chim ploj mus kom tas xwb. Yav tas los yog raug rau lwm haiv neeg xwb qhov nod ua rau kuv thiab koj yuav tsis nco qab txog tias tej teeb meem ntawd yog li cas tiag. Tab sis thaum los raug rau peb haiv Hmoob, xws li tsoom hwv asmeslibkas txhom VP lawd, qhov nod thiaj qhia tau rau tib neeg ntiaj teb hais tias tsoom hwv asmeslibkas lub siab phem rau lwm haiv neeg yog zoo li cas tiag. Thov hu txog rau tsoom hmoob sawv los thim xav thiab nco ntsood txog tej kev zoo li no kom meej thiab tsim nyog peb haiv hmoob yuav tau muaj ib txoj kev taug los pab rau kis no thaum txog lub caij tsoom hwv asmeslibkas lub siab phem tig los txog. Sawv daws txhob sib tawg ua ntau pab ntau pawg. Sawv daws txhob sib khav ib leeg yuav txo ib leeg. Sawv daws yuav tsum xav tias "Hmoob" yog ib haiv neeg xwb: Hmoob yuav tau sib pab hmoob txawm tus ntse tus ruam, tus paub tab tus tsis paub tab, thiab poj niam los yog txiv neeg huv tib si. Qhov nov yog tib txoj kev ua peb haiv neeg hmoob yuav muaj zog rau lub neej pem suab thiab yuav muaj zog rau kev sib tw ua nom nrog luag lwm haiv neeg tab sis nco ntsoov txog txoj kev siab phem ntawm tsoom hwv asmeslibkas rau hauv peb txhua txhua tus lub siab lub ntsws kom peb thiaj li ceev faj ntawm peb tus kheej thiab npaj tau rau peb haiv neeg hmoob. Qhov nov yog ib qhov tseem ceeb heev. Hmoob yog ib haiv neeg tsis nyiam lwm tus los tswj. Tsis nyiam ib leeg hais lus saib tsis taus ib leeg. Tsis nyiam kom lwm tus Hmoob los ua tus coj tab sis nyiam lwm haiv neeg los ua tus coj ces sawv daws mloog lus heev. Tej kev zoo li no, peb hmoob tsim nyog yuav hlood thiab paub coj ntawm peb kom peb thiaj li poo tau haiv neeg pawg loj. Richard Wanglue Vang
Set as favorite
Bookmark
Email this
Hits: 2215 Comments (2)
NchaivTeem
said:
|
 |
... Nyob zoo tij laug SHR.. zoo siab heev uas koj tus ua tij tseem tsim thiab nrhiav tau qhov kev tswv 8 nov los cob qhia sawv dws tus tuaj ncig txog nov.. Raws.. kuv tus kheej xav mas txhua pab txhua pawg txhua haiv neeg tuaj nyob ua neeg thoj nam tawg rog rau teb chaws asmeskas nov.. thaum pib thaum xub thawj yeej muaj kev koom tes zoo... ntev mus tsis muaj vim... Meskas maj mam tshem 1 tug zuj zus rho 1 tug tawm hauv kev koom tes thooj siab koom ntsws rau sab nraud... Leej twg haiv neeg twg yog tus siv siav siv zog yam tsis txuag yus haiv neeg txhawb nqa thiab pab Meskas tuag nthi... thaum kawg Meskas tig ntes thiab txhom tus coj tus thawj tus tseem ceeb ntawm haiv neeg ntawd txo nws lub meej mom txo nws lub hwj chim nrhiav teeb meem rau tus coj ntawm pab pawg neeg ntawd... kom cov yau cov laj mej pej xeem qaug zog thiab tag kev cia siab los ntawm lawv tus coj... 1 qho ntxiv nram qab nov yog vim cas Hmoob lub tsiab peb caug yuav muaj pib thaum lub Peb Hmoob niaj xyoo ua li nov puas yuav daws thiab pab tau Hmoob lub neej mus rau qhov zoo yav tom ntej nov? muab saib mas ntxim cov tsim tsiab peb caug yog cov thawj cov hlob muaj meej mom/ lawv tseem ua sib twv sib ntxub ntsem ntsawv sub? kuv yog neeg menyuam yau xwb kuv tu siab rov rau peb Hmoob cov uas niaj xyoo tsim tsiab peb caug nov heev.. |
|
Hmoob Dawb, Hmoob Ntsuab, etc... Niajhnub tamsim no sawvdaws puas xav hais tias yog muaj dabtsi hais txog Hmoob ces cili hais tias peb Hmoob no xwb. Tsis txhob hais tias tseem pheej identify Hmoob dawb, Hmoob Ntsuab, Hmoob Txaij and etc.... Kuv xav hais tias qhovno ntshe yuav tsis yog ibqho zoo lawm. Yog peb tseem pheej identitfy li no ces ntshe tseem pheej yuav muaj kev sibcais. |
